රට තුළ ඇතිව තිබෙන දේශපාලන හා ආර්ථික අර්බුදය සම්බන්ධයෙන් ජනාධිපති ගෝඨාභය රාජපක්ෂ මහතා සහ රාජපක්ෂ පවුලේ සෙසු සාමාජිකයින් අතර පැවති සාකච්ඡාව කොටුව ජනාධිපති මන්දිරයේ රාත්‍රියේ පවත්වා ඇත.
අගමැති මහින්ද රාජපක්ෂ, හිටපු ඇමතිවරුන් වන ,
චමල් රාජපක්ෂ සහ බැසිල් රාජපක්ෂ යන මහත්වරුන් ද මෙම සාකච්ඡාවට සහභාගි වී ඇත.රාජපක්ෂ පවුලේ තවත් කිහිප දෙනකුද එක්ව ඇති අතර ඔවුන් පමණක් රහසිගත ලෙස මෙම සාකච්ඡාව පවත්වා තිබේ.
මැදියම් රැය වන තෙක්ම පැවති සාකච්ඡාවේදී රට තුළ ඇතිව තිබෙන බරපතළ දේශපාලන සහ ආර්ථික අර්බුදය නිසා ඉදිරියට ගතයුතු පියවර හා ඉල්ලා අස්විය යුතු අය කවුද යන්න සාකච්ඡා වී ඇතැයි වාර්තා වේ .
මෙහිදී ජනාධිපතිවරයා යෝජනා කොට ඇත්තේ අගමැතිවරයාට ධුරයෙන් ඉවත් වන ලෙසටය. එයට අගමැතිවරයා එකඟවී ඇතැයිද වාර්තාවිය.
$ads={2}
ජනාධිපතිවරයා තමන් ඉවත් විය යුතු බව කියන්නේ නම් තමන් ඉල්ලා අස්වී විපක්ෂයේ අසුන් ගැනීමට සූදානම් යැයි කියා ඇත. සාකච්ජාවට මැදිහත් වී ඇති බැසිල්ද එම තීරණය අනුමත කර තිබෙන අතර ඔහු කියා ඇත්තේ මේ සම්බන්ධයෙන් පක්ෂය සමග සාකච්ජා කොට තීන්දුව අද(26) දිනයේදී දැනුම් දෙන්නම් යැයි කියාය.
තමන් අගමැති ධුරයෙන් ඉවත්වීමට සූදානම් බව මහින්ද රාජපක්ෂ මහතා විසින් මීට පෙරද පවසා තිබූ අතර එම කාරණාව
මන්ත‍්‍රී උදය ගම්මන්පිල ඊයේ මාධ්‍ය හමුවකදී කීවේය. ඔහුට එය දැනගන්නට ලැබී ඇත්තේ මෙම තීරණයෙන් පසුව භික්ෂූන් වහන්සේලා පිරිසකට, පක්ෂ නායකයින්ට සහ ව්‍යාපාරික මිතුරන් පිරිසකට අගමැතිවරයා මේබව පවසා තිබීමෙනි.
‘මහින්ද රාජපක්ෂ කියන්නේ මේ රටට දැවැන්ත ජයග්‍රහණ ලබා දුන්නු යුග පුරුෂයෙක්. ජනතාව විසින් හෝ මන්ත්‍රිවරුන් විසින් එලවා දමනවා වෙනුවට ගෞරවණීය සමු ගැනීමක් ලැබිය යුතු නායකයෙක්. එතුමාට උරුම ඒ ගෞරවනීය සමු ගැනීම අහිමි කරලා එතුමාව විනාශ කරන්න එපා කියා එතුමා වට කරගෙන සිටින ජරාව කෑමට ලොල් කපුටු රෑනගෙන් අපි ඉල්ලා සිටිනවා.” ඔහු කීය.
