මහජන උපයෝගිතා කොමිසමේ සාමාජිකයින් කෝප් කමිටුව හමුවට ඊයේ (06) කැඳවා තිබූ අතර මහින්ද අමරවීර අමාත්‍යවරයා කළ විමසීමකදී ජනක රත්නායක මහතා මේ බව කියා සිටියේය.
"අපි බලනකොට අපිට තේරුණා මෙතෙන කිසියම් වැරැද්දක් තියෙනවා කියලා. මේ තෙල් CPC එකෙන් CEB එකය ලබාදෙන. ඒ ගැන හොයාගෙන යනකොට අපිට තේරුණා ඇමතිවරයා ඉදිරිපත් කර ඇති මිල සුත්‍රය කිසිදු පදනමක් නැතිව ඉදිරිපත් කරලා ඒ අනුව මිල සංශෝධනයක් සිදුකරලා තියෙනවා කියලා."
ඇමති මහින්ද අමරවීර - ඇමතිතුමා හදලා තියෙන්නේ නැත්නම් අමාත්‍යාංශ නිලධාරීන් ද?
"ඒක මම දන්නේ නෑ. ඇමතිතුමා තමයි ට්විට් කරලා තියෙන්නේ. එතුමාගේ ට්විටර් එකෙන් මම ගත්තේ. අපිට සම්පුර්ණ දත්ත ලැබුණා. ආනයනය කරන වියදමයි. TAX එකයි අපි හොයාගත්තා. ඒ දෙකේ පරතරය තියෙනවා සාමාන්‍යයෙන් රු 150ක - 200ක වගේ. ඒ කියන්නේ අපි ඩීසල් ආනයනය කරන මුලික වියදම CIF එක වටිනාකම දාලා තියෙන්නේ ඩොලර් 174ක් වගේ. ඒ වුණාට අපි පරිශීලනය කරනකොට අපිට ලැබුණ දත්ත ආනයනය කර ඇති වියදම 174ක් වෙන්නේ නෑ. ආනයනය කර ඇත්තේ 100 - 110ක් අතර. IOC එකෙන් ජුලි 1 වෙනිදා ඩීසල් තොගයක් ගෙන්වා තිබෙනවා. ඇත්තටම තෙල් ආනයනය කරන වියදම රු 350ට වැඩිවෙන්නේ නෑ.මේක බොරුවක් නෙමෙයි. ලිපිගොනුවල තිබෙන ඇත්ත කතාව."
ඇමති මහින්ද අමරවීර - එතකොට ඔය ගෙනල්ලා තියෙන්නේත් රු 250ට අඩුවෙන් ද?
"දැන් අපේ ප්‍රශ්නය තියෙන්නේ ෆර්නස් ඔයිල් වියදම රු 171යි. CPC එක CEB එකට දෙන්නේ රු 419ට. රු 250ක් අයකරනවා එක ලීටරයිකින්."
ඇමති මහින්ද අමරවීර - සාමාන්‍ය මිනිස්සුන්ට ඕන ඩීසල් හා පෙට්‍රල් නේ ? ඒක රු 250ට දෙන්න පුළුවන්කම තියෙද්දි රු 400 ගාණට දෙනවා කියලා නේ ඔබතුමා කියන්නේ. ?
"කවුරු හරි කියනවා නම් රු 400යි - රු 450නම් ඒක බොරුවක්. ඒක ඇත්ත කථාව, මම කියන්නේ ගේන ගණන රු 200ක් වුණාම කොහොමද රු 400ක් වෙන්නේ. ඒක වෙන්න බෑ. TAX එකත් ගෙවලා. එක එක තෙල් මිල වෙන්නේ රු 250, රු 170ක්, රු 180ක්, රු 220ක් මේ ඇත්ත කතාව ගිය සුමානය වෙනකල්. මේ සුත්‍රය සම්පූර්ණයෙන්ම වැරදියි."
$ads={2}
ඇමති මහින්ද අමරවීර - මම කියන්නේ අපිට ලොකු ප්‍රශ්නයක් ඔබතුමා කියන දේ වෙලා තියෙනවා නම් මේ මිනිස්සු ගෙනහල්ලා හිටුවා පස් ගහන්න ඕනේ. අපි ඔක්කෝටම නේ වගකියන්න වෙන්නේ
"වෙලා තියෙනවා. මම දුන්නාම දත්ත ටික."
ඉන්ධන ලීටරයක් අඩුමිලට ලබාදීමට හැකි ක්‍රමවේදය පිළිබඳව තවදුරටත් විමසා සිටි අවස්ථාවේදී ජනක රත්නායක මහතා ඒ පිළිබඳව මෙලෙස පැහැදිලි කළේය.
