පානදුර, ජයතිලක මාවතේ උපකාරක පන්තියක් තුළදී 13 හැවිරිදි දැරියකට ලිංගික අතවර කළ බව කියන උපකාරක පන්ති ගුරුවරයෙකු (31) දින අත්අඩංගුවට ගත් බව පානදුර දකුණ පොලිසිය කියයි.
අතවරයට පත් දැරිය රෝහල්ගත කර තිබේ.
ගණිතය විෂය ඉංග්රීසි මාධ්යයෙන් හැදෑරීම සඳහා වසරකට ආසන්න කාලයක සිට අදාළ දැරිය සැකකාර ගුරුවරයාගේ උපකාරක පන්තියට සහභාගි වී ඇති අතර ඉකුත් 29 වන දින දැරිය ගුරුවරයා ඉගැන්වූ පාඩම අනෙකුත් දරු දැරියන්ට පෙර නිම කර ගුරුවරයාට පෙන්වා තිබූ බව පොලිස් විමර්ශනවලදී අනාවරණය වී තිබිණි.
අනතුරුව සැකකාර ගුරුවරයා විසින් උපකාරක පන්තියේ අනෙකුත් දරු දැරියන්ට නොපෙනන ස්ථානයක තිබෙන පොත් රාක්කයක් දැරියට පෙන්වා එහි තිබෙන පොත් පිළිවෙළකට තබන ලෙස පවසා තිබූ බව පොලිසිය කියයි.
ගුරුවරයාගේ කීමට අවනත වූ දැරිය එම පොත් රාක්කය අසලට ගොස් එහි තිබෙන පොත් පිළිවෙළට තබන අවස්ථාවේදී එම ස්ථානයට පැමිණ තිබූ ගුරුවරයා දැරියගේ ශරීරයේ ස්ථාන කිහිපයක් ස්පර්ශ කර ඇතැයි පොලිසිය කියයි.
එම අවස්ථාවේදී දැරිය තම අකැමැත්ත දැඩිව ප්රකාශ කරමින් සැකකරුව ඇඟිලිවලින් සූරා ඇතැයි ද පොලිසිය පවසයි.
$ads={2}
ගුරුවරයා විසින් කරන ලද ක්රියාව උපකාරක පන්තිය නිමවීමෙන් අනතුරුව දැරිය රැගෙන යාමට පැමිණි පියාට දැරිය විසින් පවසනු ලැබීමෙන් අනතුරුව වහා ක්රියාත්මක වූ පියා පානදුර දකුණු පොලීසියේ ළමා හා කාන්තා කාර්යාංශය වෙත පැමිණිල්ලක් කළ බව පොලිස් නිලධාරියෙකු අප වාර්තාකරුට පවසා තිබේ.
36 හැවිරිදි අවිවාහක සැකකාර උපකාරක පන්ති ගුරුවරයා අධිකරණ වෛද්ය නිලධාරීවරයා වෙත ඉදිරිපත් කළ බව පොලිස් නිලධාරියා වැඩිදුරටත් පැවසීය.
සැකකරු හෙට (පෙබ: 01) දින පානදුර මහේස්ත්රාත් අධිකරණය අධිකරණය වෙත ඉදිරිපත් කිරීමට නියමිතය.