අධික වේගයෙන් ධාවනය වූ යතුරු පැදියක් නැවැත්වීමට පොලීසිය සංඥා කර තිබෙනවා. එම අවස්ථාවේදී යතුරුපැදිය මාර්ගයේ පෙරලී ගොස් සිදුවූ අනතුරෙන් යතුරුපැදිකරු තුවාල ලබා තිබෙනවා.
මෙම සිදුවීමෙන් පසු එම ස්ථානයට රැස්වූ ප්රදේශවාසීන් 700 ක පමණ පිරිසක් මාර්ග බාධකයේ රාජකාරියේ යෙදී සිටි පොලිස් නිලධාරීන්ට පහරදී මුර කුටිය ද ගිනි තබා විනාශ කර තිබෙනවා.
$ads={2}
එම තත්ත්වය පාලනය කිරීම සඳහා පොලීසිය එම වෙඩි තැබීම සිදුකර ඇති බවයි පොලිස් මාධ්ය ප්රකාශක කාර්යාලය සඳහන් කළේ. මෙලෙස වෙඩි වැදී තුවාල ලැබූ පුද්ගලයා සහ යතුරුපැදිකරු ද රෝහල්ගත කර තිබෙනවා. ඔවුන්ගේ තත්ත්වය බරපතල නොවන බවයි පොලීසිය සඳහන් කළේ.
මේ අතර ප්රදේශවාසීන්ගේ පහරදීම හේතුවෙන් තුවාල ලැබූ පොලිස් නිලධාරීන් 07 දෙනෙකු සහ සිවිල් ආරක්ෂක බලකා නිලධාරීන් තුන් දෙනෙකු ප්රතිකාර සඳහා අක්කරෛපත්තු හා අම්පාර යන රෝහල්වලට ඇතුලත් කර තිබෙනවා. සිද්ධිය සම්බන්ධයෙන් නැගෙනහිර පළාත භාර ජේ්යෂ්ඨ නියෝජ්ය පොලිස්පතිගේ උපදෙස් මත පොතුවිල් සහකාර පොලිස් අධිකාරීවරයාගේ මූලිකත්වයෙන් වැඩිදුර විමර්ශණ ක්රියාත්මකයි.
