මුලතිව් කුරුදුමලෙයි ආදි ශිව අයියනාර් කෝවිලේ පාලක සභාව සහ හිටපු උතුරු පළාත් සභා මන්ත්රී තුරෙයිරාසා රවිහරන් මහතා විසින් පසුගිය ජුනි 12 වැනිදා ඓතිහාසික කුරුදුමලෙයි පුරාවිද්යා ස්ථානයේ නව ඉදිකිරීම් සිදුකොට බෞද්ධ ස්ථානයක් බවට පරිවර්තනය කරන බවට මුලතිව් මහෙස්ත්රාත් අධිකරණයේ පවරා තිබූ නඩුවට අදාළව කුරුන්දි විහාර සංකීර්ණයේ නව ඉදිකිරීම් ඉවත් කරන ලෙසත් නැවත අලුතින් ඉදිකිරීම් සිදුනොකරන ලෙසත් කුරුදුමලෙයි විහාරාධිකාරි ගල්ගමුවේ සන්තබෝධි නාහිමියන් ඇතුළු පිරිසකට මුලතිව් මහේස්ත්රාත් ආර්. සරවනරාජා මහතා ඉකුත්වූ 14 වැනිදා තහනම් නියෝගයක් නිකුත් කළේය.
නව ඉදිකිරීම්, නව ප්රතිමා හා පිළිම තැන්පත් කිරීම් සිදුනොකරන ලෙසත් එවැනි ඉදිකිරීම් ඉවත්කරන ලෙසත් මෙහිදී නියෝග කෙරිණි. නව ඉදිකිරීම් සම්බන්ධයෙන් පුරාවිද්යා දෙපාර්තමේන්තුවට වාර්තාවක් ලබාදෙන ලෙසත් නියෝග කළ අතර හින්දු ජනතාවට පුරාවිද්යා භූමියට ඇතුළුවී ආදී ශිව අයියනාර් කෝවිලේ පූජා පැවැත්වීමට ඉඩ ලබාදෙන ලෙසත් දැනුම් දුන්නේය. හින්දු බැතිමතුන් පූජාව පවත්වන අවස්ථාවේ පොලිස් ආරක්ෂාව සපයා දෙන ලෙසට ද නියෝග කෙරිණ.
$ads={2}
මෙම උසාවි නියෝගයේ පරිදි කුරුන්දි රජමහ විහාරයේ ‘අලුත් ඉදිකිරීම්‘ ගැන සඳහන් වූවද එවැනි අලුත් ඉදිකිරීමක් සිදු කර නැති බව විහාරවාසී උතුරු පළාත් ප්රධාන සංඝනායක ජුජ්ය ගල්ගමුවේ සන්තබෝධි නායක ස්වාමීන් වහන්සේ සඳහන් කළහ.
මෙම විරෝධය දෙමළ සන්ධානයේ සමහර දේශපාලන නායකයන් මුල්වී සිදු කරන්නක් බවත් ඔවුන් කුරින්දි විහාරයේ පවතින අලුතින් සංරක්ෂණය කරන ලද දාගැබ , නව ඉදිකිරීමක් ලෙස සිතා නඩු මගට එළැඹුණත් සැබැවින්ම කිසිදු නව ඉදිකිරීමක් මෙහි සිදුව නැති බවත් පුරාණ දාගැබ , පිලිමගෙවල් , බෝධිඝර ආදිය ඒවා පවතින ස්ථානයේම සංරක්ෂණය කිරීමක් පමණක් සිදුකර ඇති බවත් උන්වහන්සේ පැවසූහ.
එමෙන්ම මෙම තීන්දුව ලබාදීමේදී උසාවිය මගින් පුරාවිද්යා බලධාරීන්ගේ මතය විමසීමක් සිදුකර නොමැති අතර ඒ නිසා ලැබුණ කරුණු මත පදනම්ව ‘කඩාදමන‘ නියෝගයක් නිකුත් කර ඇති බව උන් වහන්සේ පැහැදිලි කළහ.
මෙම උසාවි නියෝගය ක්රියාත්මක කළ යුත්තේ පොලිසියයි. මෙම සංරක්ෂණය කරන ලද නිර්මාණ ඉවත් කිරීම සම්බන්ධයෙන් මුලතිව් පොලිසිය විමසීමේදී මුලතිව් පොලිසියේ ස්ථානාධිපතිවරයා පැවසුවේ නව ඉදිකිරීම් ඉවත් කරන ලෙස නියෝගයක් මුලතිව් මහේස්ත්රාත් අධිකරණය නිකුත් කර තමාට ලැබුණ නමුත් ඒ ගැන ක්රියාකිරීමට කිසි දෙයක් කරන්නට නැති බවයි.
හේතුව නම් නව ඉදිකිරීමක් සිදු කරනැති නිසාය.
